[
كان عدنا بلد يسوى كل البلدان
إندار بيه الزمن وتغير العنوان
ملوك وثورات واحزاب جرّونا
من حرب لحرب وحصار بكل زمان
وتغير حال الشعب وأصبح شعب جوعان
وشكد ماتوا من القهر، وشكد هاجروا شبّان
والمهاجر يدوّر وطن، وَكْ وين الوطن يا فلان * * *
يالْتنشد على الوطن، صار الوطن أوطان
أكراد وعرب وعجم ووياهم تركمان
كل واحد عنده علم ومغيّر الألوان
أقاليم ومجالس حكم، وجمعية وبرلمان
واسمك يا عراق اختفى، وظل بالكتب عنوان
وانّهب كنز الوطن وانباع بارخص الاثمان
يا بوش صحصح تره موش إحنه النتقبّل الذله
إحنه شعب واحد وحبل الوصل باقي وما نفلّه
متحزمين فد حزام ونحط بيك ألف عِلّه
ومن ينجرح شيعي سنّي اليضمده وما يمله
والشيعي يهب وبسبّاح قَلبه يخيّط الجرح للسني ويشلّه
ولتصدّك يشمت إبن تكريت لو حرگوا الحله
ويظل الجبل باربيل شامخ والهور والگصب والبردي ظِله
شعب صاح أبفرد صوت هيهات منّا الذله
[
عــــراق اشكثر سافرنا و مشينه
و ليــــالي طوال بفراكــك كضيـــنه
كـــل الكـــون شـــفـــناه
طـــول و عـــرض جـبـنـاه
بــــس مثـــلك وطـــن لا ما لكينـــه
تذكرين يا شدة ورد بلونج سحرتيني ؟؟
ليش ذبلان الورد وزعلانة يا عيني؟؟
بغداد ياشمعة انطفت بالظلمة عفتيني
وظليت (تايه انا).......ياهو اليدليني؟
ندعي سوى واحنه بهل شده
ربي كل باب حزن مفتوح رده
وكل تدفق دم ياربي سده
وكافي ياموت سيفك كاعد اتحده
مو صبرنا صبر ايوب وجده
وصبرنا سنين ترى وصل حده
مد يافرح اشويه افراشك مده
شو امكطع خيوطك وجم عكده وعكده
اخخخخخخخ اشكد جثث بعد تحملين ياسده
واشكد يافرات شوكك لدجلة
حزني جبير وما واصل حزن كده
واذا في يوم الدمع نكر خده .
واذا في يوم البحر نكر مده .
واذا في يوم الشتا نكر برده .
والصيف صار ثلج عنده :
ما انسى العراق ولا انسى شمته
تحياتي لكم احبابي دموع العراقية الحزينة
[/u][/strike]